Lagaákvæði

Upplýsingarnar á þessum vef falla undir ábyrgðaryfirlýsingu, höfundarrétt og reglur varðandi vernd persónulegra gagna.

Ábyrgðaryfirlýsing

Cedefop heldur úti þessum vef til þess að auðvelda almennan aðgang að upplýsingum um það sem stofnunin fæst við og um stefnu Evrópusambandsins í heild sinni. Markmiðið er að þessar upplýsingar séu ávallt nýjar og áreiðanlegar. Sé okkur bent á mistök munum við reyna að bæta úr þeim.

Þrátt fyrir þetta tekur Cedefop ekki neina ábyrgð á þeim upplýsingum sem birtar eru á vefnum.

Þessar upplýsingar eru:

• almennar og ekki til þess fallnar að greina sérsakar aðstæður einstaklinga eða hópa
• ekki endilega alhliða, altækar, áreiðanlegar eða þær allra nýjustu
• stundum tengdar vefjum utan Cedefop sem stofnunum hefur ekki umsjón yfir og tekur enga ábyrgð á
• hvorki ráðgjöf varðandi starfsframa eða lögfræðileg ágreiningsefni (varðandi slík ráð skal ávallt leitað til sérfræðinga).

Vinsamlegast athugið að ekki er ábyrgst að skjöl er birtast á vefnum séu nákvæmar eftirgerðir skjala sem samþykkt hafa verið opinberlega. Aðeins lög þau sem birt hafa verið í stjórnartíðinum ESB (the Official Journal of the European Union) eru álitin fullkomnlega áreiðanleg.

Markmið okkar er að vaIda sem minnstri röskun vegan tæknilegra mistaka. Þrátt fyrir þetta getur verið að sumar upplýsingar á vefnum séu í skrám eða með sniði sem ekki eru gallalaus og við getum ekki ábyrgst að ekki verði truflun á þjónustu eða önnur vandræði skapist vegna slíkra galla. Cedefop tekur enga ábyrgð á slíkum vandkvæðum sem upp koma við að nota þennan vef eða vefsíður annarra aðila honum tengdar.

Þessari ábyrgðaryfirlýsingu er ekki ætlað að takmarka ábyrgð Cedefop gagnvart hugsanlegu broti á lögum einhvers aðildarríkjanna né er þeim ætlað að gera stofnuninni kleift að komast hjá ábyrgð sem skilgreind kann að vera utan slíkra laga.

Höfundarréttur

© Evrópusambandið, 2002-2013

Heimilt er að fjölfalda þessi gögn að því tilskildu að heimildar (© Evrópusambandið) og vefslóðar (http://europass.cedefop.europa.eu) sé ávallt getið, nema að slíkt komi fram annars staðar.

NB: Evrópuráðið og Evrópubandalagið eiga sameiginlegan höfundarrétt að Evrópska tungumálapassanum. Afritun fylgir sömu reglum og nefndar eru að ofan, þ.e.s. ávallt skal geta höfundarréttar (© Evrópusambandið og Evrópuráðið) og vefja þessara stofnana (http://europass.cedefop.europa.eu and http://www.coe.int/portfolio).

Ef nauðsynlegt reynist að fá sérstakt leyfi fyrir afritun eða notkun texta eða margmiðlunarnefnis (hljóðs, mynda, hugbúnaðar, o.fl.), fella slík ákvæði burt það almenna leyfi til birtingar sem getið er að ofan. Í slíkum tilfellum er það ávallt tekið skýrt fram.

Vernd persónuupplýsinga

Evrópusambandinu er annt um að persónuupplýsingum notenda sé haldið leyndum.

Stefnan um "vernd einstaklinga fyrir því að persónugögn þeirra séu ekki misnotuð af stofnunum ESB" byggist á reglugerð (EC) númer 45/2001 sem samþykkt var af Evrópuþinginu og framkvæmdastjórn ESB 18. desember 2000.

Sú almenna stefna sem þar kemur fram gildir um allar þær vefsíður ESB sem tengjast svæðinu europa.eu.

Þó unnt sé að skoða flestar þessara síðna án þess að gefa upp neinar persónuupplýsingar, kann í sumum tilfellum að vera farið fram á þær til þess að unnt sé að veita þá vefþjónustu sem farið er fram á.

Þær upplýsingar sem farið er fram á eru meðhöndlaðar í samræmi við ofannefnda reglugerð. Ávallt er á síðunum gerð grein fyrir því til hvers þær eru notaðar.

Hér skal tekið fram:

• Umsjónarmenn hverrar þjónustu ákveða tilgang og aðferð við söfnun persónuupplýsinga og tryggja að hvort tveggja samræmist stefnunni um leynd þeirra.
• Hjá hverri stofnun starfar sérstakur eftirlitsmaður með notkun gagna sem gengur úr skugga um að reglunum sé fylgt og gefur öðrum starfsmönnum ráð um hvernig markmið um vernd persónuupplýsinga verði best náð (sjá grein 24 í reglugerðinni)
• Hjá öllum stofnunum ESB skal eftirlitsmaður með notkun gagna hegða sér eins og óháður eftirlitsaðili (sjá greinar 41 og 45 í reglugerðinni)

Á vefsíðum Evrópusambandsins sem tengjast svæðinu europa.eu er boðið upp á tengla á síður aðilar sem ekki heyra undir sambandið. Neytendum er ráðlagt að kynna sér öryggisstaðla hverrar slíkrar síðu þar eð sambandið hefur ekki umráð yfir þeim.

Hvað er vefþjónusta?

Vefþjónusta á EUROPA er skilgreind sem þjónusta sem látin er í té á Netinu og er ætlað að auka samskipti þegna og fyrirtækja annars vegar og Evrópustofnanna hins vegar.

Boðið er upp á þrenns konar þjónustu í gegn um EUROPA:

1. upplýsingaþjónustu sem veitir þegnum, fjölmiðlum, fyrirtækjum, stjórnendum og öðrum þeim sem taka ákvarðanir auðveldan aðgang að upplýsingum og eykur þar með gagnsæi og skilning á stefnu og starfi ESB
2. gagnvirka samskiptaþjónustu sem auðveldar tengsl við borgara, fyrirtæki, félagasamtök og opinbera aðila og leiðir þannig til samráðs og viðbragða og aðstoðar á þann hátt við mótun tillagna um stefnu, aðgerðir og þjónustu ESB
3. viðskiptaþjónustu sem veitir aðgang að einföldum viðskiptum við ESB, svo sem vinnumiðlun, skrá viðburða, kaup eða ókeypis not skjala, o.s.frv.

Europass trúnaðaryfirlýsing vegna vefþjónustu

1. Hvaða þjónustu býður Europass vefurinn?

Evrópska ferilskrá (CV) og Tungumálavegabréf er hægt að fylla út rafrænt á vef Europass og fá til baka skrá sem innniheldur gögnin í Europass sniði. Á meðan verið er að fylla út formið geymast gögnin á Europass vefþjóni.

Ef notandi hættir að fylla út og er aðgerðarlaus í kerfininu í 120 mínútur tapast gögnin sem búið er að slá inn. Notandi fær viðvörun nokkrum mínútum áður en þetta gerist. Notandinn getur sjálfur eytt því sem komið er inn með því að velja "End Session" á "File" valmynd.

Ef notandinn velur 'vista', þá býr kerfið til skrá (t.d. CV-2559.doc) tímabundið á Europass vefþjóni. Um leið og notandinn hefur sótt skjalið, eða látið senda á það netfang, þá er upphaflega skjalinu, á vefþjóni Europass, eytt.

Öll vinnsla vefþjónustu Europass er samkvæmt reglugerð (EC) 45/2001 frá Evrópuþinginu og frá Evrópuráðinu frá 18. Desember 2000 sem fjallar um persónuvernd einstaklinga varðandi vinnslu persónugagna af aðilum á vegum ESB, og um hindrunarlausan flutning á slíkum gögnum.

2. Hvaða persónuupplýsingum söfnum við, til hvers og með hvaða tækni?

Notendur þurfa ekki að gefa neinar persónuupplýsingar til þess að fá aðgang að Europass vefnum. Notendur mega, ef þeir vilja, slá inn persónu- og aðrar upplýsingar á þær síður sem safna gögnum fyrir ferilskrá og tungumálavegabréf. Að því loknu geta notendur fengið skrá í Europass sniði. Tilgangur með því að slá inn upplýsingar (persónulegar og aðrar) er einungis sá að gera notendum kleift að búa til og sækja (sem skrá eða með tölvupósti) skjöl í sérstöku Europass sniði.

Upplýsingum um t.d. aldur, kyn, tungumálakunnáttu, vinnuferil, þjóðerni og búsetuland er safnað og þær geymdar vegna tölfræðivinnu, þar sem nafnleysi er tryggt. Slík tölfræðinot eru í samræmi við reglugerð (EC) N° 45/2001 sem samþykkt var af Evrópuþinginu og Evrópuráðinu 18. desember 2000 um vernd einstaklinga hvað varðar meðferð persónuupplýsinga sem framkvæmd er af stofnunum og aðilum Evrópubandalagsins um frjálst flæði slíkra upplýsinga.

3. Hver hefur aðgang að upplýsingum þínum?

Gögnin þín lifa í kerfinu í stuttan tíma án þess að aðrir hafi aðgang að þeim. Þeir einu sem aðgang hafa að Europass vefþjónum eru tæknimenn sem reka og viðhalda stýrikerfið og Europass forritum og þjónustu. Europass tæknimenn eru bundnir af sérstökum trúnaðaryfirlýsingum.

4. Hvernig verndum við þínar upplýsingar?

Gögn sem fara á milli notandans og kerfisins þegar verið er að slá inn í ferilskrá og/eða tungumálavegabréf eru vernduð af SSL (HTTPS) dulkóðun.

Ath: Það er tæknilega erfitt að dulkóða tölvupóstsendingar sem bera ferilskrá og/eða tungumálavegabréf sem viðhengi. Tölvupóstur fer því án dulkóðunar.

Europass vefþjónar eru verndaðir með þeim aðgerðum sem tíðkast, þ.e.a.s. með nýjustu öryggisuppfæslum fyrir stýrikerfi, vírusvörn, eldvegg, reglulegu öryggiseftirliti og skönnun, ICT öryggisstefnu, veikleikagreiningu og aðgerðum til þess að greina innbrot í kerfin.

5. Hvernig má sannreyna, breyta eða eyða persónulegum upplýsingum?

Eins og getið er að ofan eru engar upplýsingar geymdar varanlega á Europass vefþjónum. Notendur mega senda útfylltar Europass ferilskrár og/eða tungumálavegabréf frá tölvum sínum inn á Europass vefþjón, og svo skoða, breyta eð eyða að vild. Þessi ferill er hins vegar líka tímabundinn og lýtur þeim öryggisreglum sem lýstar eru hér að ofan (sjá líka atriði 1).

6. Hvað geymum við gögnin þín lengi?

Eins og getið er að ofan eru engar notandaupplýsingar geymdar varanlega á Europass vefþjónum.

Gögnum sem notendur slá inn er eytt varanlega ekki seinna en 120 mínútum eftir að innslætti lýkur eða um leið og notandinn velur "end session" frá "File" vallistanum.

7. Upplýsingar um tengilið

Sem eigandi persónuupplýsinga hefur þú ákveðin réttindi. Ef þú vilt nýta þau, eða ef þú hefur einhaverjar spurningar eða kvartanir, vinsamlegast hafið samband við vefstjórann með því að heimsækja "álit mitt" síðuna sem er að finna á valstiku efst á síðunni.

Pérsónulegum upplýsingum þínum eru einungis safnaðar að því marki sem nauðsynlegt er til þess að svara fyrirspurnum. Ef vefstjórarnir geta ekki svarað spurningum munu þeir áframsenda þær til annars þjónustuaðila. Þú verður látin(n) vita með tölvupósti, hvaða þjónustuaðili hefur fengið fyrirspurn þína til afgreiðslu. Spurningar um afgreiðslu fyrirspurnarinnar og/eða um viðkomandi persónuleg gögn skulu hafðar með í skilaboðunum.